Lajme

Veteranët në mbrojte të flamurit të Kosovës

19:36 | 14 February 2018 Autori: Infokusi

Kryetari i Organizatës së Veteranëve të Luftës së UÇK-së, Hysni Gucati, në një prononcim për  portalin “Infokusi” ka komentuar largimin e mbrëmshëm të flamurit kombëtar dhe vendosjen e flamurit shtetëror “te rrethi” në Prishtinë.

Gucati ka vlerësuar se koha në të cilën është larguar flamuri kombëtar nuk ka treguar akt qytetar ndërsa ka thënë se janë pro vendosjes së flamurit të Kosovës.

“Më vjen keq vetëm për mënyrën si është larguar flamuri kombëtar, sepse e vlerësoj se nuk është dashtë që flamuri të hiqet pikërisht natën. Flamuri është dashtë të hiqet mëngjesin e sotëm të bëhet në mënyrë qytetare”, ka thënë Gucati.

Ai ka shtuar se nuk janë kundër flamurit të Kosovës sepse për Kosovë të pavarura me simbolet e saj edhe kane luftuar.

“Ne nuk jemi kundër flamurit shtetëror sepse ne kemi luftuar që Kosova të jetë shtet i pavarura me flamur dhe himn të saj”, ka shtuar ai.

Gucati është shprehur optimistë që pas festës së Pavarësisë së Kosovës, krahas flamurit shtetëror do të vendoset edhe ai kombëtar.

“ Pas festës së pavarësisë së Kosovës besoj që krahas flamurit shtetëror duhet të vendoset edhe flamurit kombëtar”, ka përfunduar Gucati.

Mbrëmjen e së martës flamuri kombëtar është larguar nga vendi i njohur si “te rrethi” në Prishtinë për tu zëvendësuar me atë shtetëror në prag të 10 vjetorit të Pavarësisë së Kosovës. /INFOKUSI

Në foto kryetari i Organizatës së Veteranëve të Luftës së UÇK-së, Hysni Gucati.

Të tjera