Lajme

Xi Jingping bëhet lideri i parë që arrin nivelin e themeluesit Mao Zedong

10:47 | 24 October 2017

Partia Komuniste në pushtet e Kinës ka votuar për ta mishëruar emrin dhe ideologjinë e Xi Jinping në Kushtetutën e vendit, duke e barazuar atë me themeluesin Mao Zedong.

Votimi unanim për ta përfshirë ideologjinë “Mendimi i Xi Jingping” në Kushtetutë ndodhi në fund të kongresit të Partisë Komuniste, i cili është takimi më i fuqishëm politik i Kinës, transmeton Express.

Xi vazhdimisht e ka rritur fuqishëm kontrollin e pushtetit qëkur u zgjodh lider në vitin 2012.

Ky vendim do të thotë se çfarëdo mosshpërfillje ndaj Xi tash e tutje do të shihet si kërcënim për sundimin e Partisë Komuniste.

Më shumë se 2.000 delegatë u mblodhën në Godinen e Madhe të Popullit në Pekin për procesin përfundimtar për ta mishëruar “Mendimi i Hi Jingping për Socializmin me Karakteristika Kineze për Epokën e Re” në Kushtetutën e Kinës të Partisë Komuniste.

Në fund të procesit, delegatët u pyeten nëse kishin ndonjë kundërshtim, ndërsa ata u përgjigjen me zë të lartë “asnjë”, gazetarët prezent në vend të ngjarjes kanë raportuar.

Edhe ideologjitë e liderëve të kaluar kinezë të Partisë Komuniste janë futur në kushtetutën e partisë, por asnjërit, përveç themeluesit Mao Zedong, nuk i është përshkruar filozofia si “mendim”, i cili është niveli më i lartë i hierarkisë ideologjike.