Lajme

65 zjarre vetëm për katër muaj

Autori: Gazeta inFokus 14:16 | 17 April 2018

U raportua për zjarrëvenie kogja shpesh. Jo, vetëm për objekte. Nga zjarri shpesh u përfshin edhe veturat, kontejnerët, malet e fushat.

Shumë prej tyre u bënë shkrumb e hi. Numri i  rasteve të zjarrëvenieve në vend po del të jetë kogja i madh.

Vetëm në këtë katër mujor në vend janë raportuar gjithsej 65 raste të zjarrëvenies, shkruan Infokusi.com.

Kështu së paku kanë deklaruar për Infokusin nga Zyra për Informim në Policinë e Kosovës. E në bazë të të dhënave të Policisë kogja raste të tilla janë raportuar edhe vjet. Madje, më shumë se 300.

“Zjarrvënjet janë Vepra Penale të parapara me nenin 334 te KP-se, dhe statistikat lidhur me këtë vepër tregojnë se në vitin 2017 janë evidentuar 308 raste te zjarrevenjeve dhe ne këtë periudhe (1 janar-15 prill) janë evidentuar 65 raste te tilla”, thuhet në përgjigjet e Policisë drejtuar Infokusit.

LEXO EDHE: Kontejnerët e mbeturinave po digjen gjithëandej Kosovës

Në Polici thonë se në këtë kategori përfshihen të gjitha rastet e kategorisë, pa marrë parasysh objektin që ka pësuar. Deklarojnë se Policia e Kosovës rastet kriminale i evidenton bazuar ne Kodin Penal, me emërtime siç parashihen në nenet e caktuara të këtij  kodi.

“Pra, behet fjale për te gjitha rastet e kësaj kategorie pa marre parasysh se çfarë objekti ka pësuar nga zjarri (shtëpi, banesa, vetura, lokale, kontejnerë mbeturinash, male, fusha etj.”

Ndryshe, të hënën Infokusi ka raportuar lidhur me djegien e kontejnerëve të Kompanisë Regjionale të Mbeturinave “Pastrimi”. Vetëm në dy vitet e fundit në kryeqytet janë djegur rreth 100 kontejnerë të plastikës./Infokusi

Të tjera