Lajme

Analistët flasin për vizitën e Zoran Zaevit në Kosovë

Autori: Gazeta inFokus 21:29 | 12 December 2017

Vizita e kryeministrit të Maqedonisë, Zoran Zaev, cilësohet shtytje e mirë për marrëdhëniet ndërmjet dy vendeve.

Analistët politikë e cilësojnë këtë si hap të rëndësishëm nga Maqedonia e ata ekonomikë, si sinjal për mundësi të shtimit të bashkëpunimit.

Vizita e kryeministrit maqedonas, Zoran Zaev, vlerësohet e rëndësishme nga analistët politikë dhe ekonomikë në vend. Përveç thellimit të marrëdhënieve ndërmjet dy vendeve, kjo vizitë cilësohet si shumë e rëndësishme meqë Maqedonia, duke qenë vend fqinj, vlerësohet si partner i rëndësishëm për Kosovën.

Analisti politik, Imer Mushkolaj vlerëson se sidoqoftë kjo vizitë ka rëndësi jo vetëm në aspektin politik. “Vizita për herë të parë e një kryeministri të Maqedonisë në Kosovë, vlerësohet si mundësi e shtimit të bashkëpunimit edhe ekonomik ndërmjet dy vendeve”, theksoi Mushkolaj.

Ndërkaq Safet Gërxhaliu, kryetar i OEK-ut vlerëson se me vizitën e kryeministrit Zoran Zaev, pritet ta rrisë bashkëpunimin politiko-ekonomik të të dy vendeve, meqë sipas tyre, qeveria e kaluar në Maqedoni, për shumë arsye, cilësohet si shkaktare e zbehjes së këtyre raporteve.

Të tjera