Lajme

Dardan Molliqaj ia përmend PDK-në Albin Kurtit

Autori: Gazeta inFokus 19:40 | 13 March 2018

Deputeti nga Lëvizja Vetëvendosje, Dardan Molliqaj ka shkruar disa fjalë në Facebook, përmes të cilave ka thumbuar kryetarin e kësaj partie, Albin Kurti.

Ai duke e përmendur veprimtarinë e deputetes tjetër nga kjo parti, Aida Durguti dhe duke mos përmendur emra ia ka kujtuar Kurtit, PDK-në.

Molliqaj ka thënë se “ata” që i kanë hequr vijat e kuqe me PDK-në, janë ata të cilët edhe po e akuzojnë shoqen e tyre për tradhti.

Postimi i plotë i Dardan Molliqajt:

Aida Dërguti që jetën ia kushtoi çlirimit dhe zhvillimit të vendit tonë, prej angazhimit në UÇK e deri sot, vazhdon të jetë një prej njerëzve që nuk do të ndalen në përpjekjen kundër krimit dhe korrupsionit në Kosovë.

E ata që i kanë hequr vijat e kuqe ndaj PDK-së kurse sot i akuzojnë shoqet e shokët e tyre më të mirë për tradhëti, nuk po bëjnë asgjë më shumë se sa që po e shpërfaqin hipokrizinë e tyre.

Por e ardhmja do ta dëshmojë se kush do të përfundojë tek PDK-ja. Definitivisht ajo nuk do të jetë Aida./Infokusi.com

Të tjera