Lajme

Drejtuesit e policive të shteteve rajonale mblidhen në Kosovë

Autori: Gazeta inFokus 14:46 | 17 May 2018

Policia e Kosovës ka filluar këtë të enjte konferencën e dy ditore me drejtorët e policive të shteteve rajonale.

Ky organizim i ndihmuar nga Misioni i EULEX-it, ka mbledhur udhëheqës të policisë nga Shqipëria, Kroacia, Maqedonia dhe Sllovenia, e cila po mbahet në Kosovë.

Sipas njoftimit të Policisë, nikoqir i kësaj konference është Policia e Kosovës, në krye me ushtruesin e detyrës së Drejtorit të Përgjithshëm të Policisë së Kosovës Naim Rexha.

Konferenca ka për qëllim intensifikimin e bashkëpunimit të ndërsjellët rajonal, mbledhjen dhe shkëmbimin e informacioneve, në interes të parandalimit të kërcënimeve dhe rreziqeve strategjike që i paraqet krimi i organizuar ndërkombëtar dhe terrorizmi, e të cilat do të ndikojnë pozitivisht në stabilitetin rajonal./Infokusi.com

Të tjera