Fokus

Kompania turke – KEDS, natën e Bajramit e len gjysmën e Kosovës në terr

Autori: Gazeta inFokus 23:21 | 14 June 2018

Kompania turke e distribucionit të energjisë elektrike, KEDS nga orët e mbrëmjes e ka lenë gjysmën e fshatrave të Kosovës në terr. Në terr natën e Fiter Bajramit kanë mbetur një pjesë e madhe e fshatrave të komunës së Malishevës, Rahovecit, Gjakovës dhe komunës së Klinës.

Kështu kanë thënë disa lexues të Gazetës Fokus. Sipas një lexuesi nga fshati Drenoc i Malishevës, ka mbi 6 orë që ky fshat i cili është me i madhi në këtë komunë është mbetur në terr dhe askush nga kompania turke e cila ka përgjegjësi për furnizimin e qytetarëve me energji elektrike, pra KEDS-i nuk lajmrohet në numrin kontaktues.

“Nuk është vetëm fshati jonë por shumica e fshatrave në Malishevë janë pa rryme tash e mbi 6 orë. Nuk ka asnjë informacion se çfarë po ndodh, a ka prishje apo e kanë ndërprerë vetë KEDS-i. Ky është turp të ndodh natën e bajramit”, ka thënë ky lexues i Gazetës Foks.

Të njëjtën e ka treguar edhe një banore e një fshati të Gjakovës. Sipas saj, shumica e fshatrave në Gjakovë janë pa rrymë prej kur kanë filluar të reshurat e shiut, mbi 5 orë pa rrymë.

Sipas shumë lexuesve të cilët kanë kontaktuar dhe kanë shkruar në redaksinë e gazetës ka shumë fshatra edhe në komunën e Klinës që kanë mbetur pa energji elektrike.

Nuk dihet nëse ka prishje apo çfarë po ndodh sepse deri me tani nuk ka dhenë asnjë sqarim kompania KEDS e cila ka përgjegjësi për furnizim të qytetarëve me energji elektrike. /GAZETA FOKUS

 

 

 

Të tjera