Lajme

Kryeziu: Grupi i Dardan Molliqajt për këtë arsye duhet ta votoj demarkacionin

Autori: Gazeta inFokus 23:31 | 19 March 2018

Drejtori i KDI-së, Ismet Kryeziu ka bërë thirrje që të votohet Demarkacioni me Malin e Zi.

Ai në një shënim në Facebook i ka bërë thirrje Grupit të Deputetëve të Pavarur që të votojë marrëveshjen për kufirin me shtetin malazez.

Sipas Kryeziut, këtë gjë Grupi i VV-së duhet ta bëjë për Republikën.

Shënimi i plotë:

Besoj dhe sugjeroi që Grupi i Pavarur i Deputetëve me votën e tyre PRO ratifikimit të marrëveshjes bëjnë hapin e parë të guximshëm në marrjen e përgjegjësisë, formësimin e idesë, veprimit dhe konceptit politik të subjektit të ri.

Një kocept i ri dhe i nevojshëm nga gjeneratat e reja politike. Koncept, ide dhe veprime NDRYSHE nga partitë dhe politikat aktuale.

Fuqishëm, të angazhuar ndryshe nga ofertat aktuale, me parti dhe politika lideriste, keqeverisëse e klienteliste. Ndryshe nga politikat që për kundërshtim të pushtetit rrëshqasin në veprimet kundër shtetit. Është e thjeshtë, shteti nuk duhet të dëmtohet për shkak të kundërshtimit ndaj pushtetit. Ka isntrumente e alternativa të mjaftueshme për ta kundërshtuar pushtetin, pa e dëmtuar shtetin.

Vota PRO demarkacionit nuk është votë tradhëtie, nuk është votë që të identifikon me PDK/LDK, ose edhe me qeverinë aktuale. Besoj se është votë PRO Republikës se Kosovës!

Të tjera