Lajme

Kurti: Dialogu nuk mund të drejtohet nga një person i delegjitimuar si Hashim Thaçi

00:04 | 14 July 2018 Autori: Infokusi

Lideri i Lëvizjes Vetëvendosje,Albin Kurti është pritur në takim nga ambasadori i Italisë në Kosovë, Piero Cristoforo Sard.

Në këtë takim u diskutua për zhvillimet e fundit politike në Kosovë dhe në Itali si dhe për politikat e BE-së për Kosovën dhe rajonin.

Kryetari Kurti ka shprehur qëndrimet e Lëvizjes Vetëvendosjes në lidhje me procesin e dialogut duke theksuar nevojën për një raport dhe vlerësim mbi 33 marrëveshjet e arritura deri më sot me Serbinë.

“Nuk mund të ketë demokraci pa llogaridhënie, dhe nuk mund të ketë llogaridhënie pa raporte”, ka thënë Kurti.

Sipas Kurtit dialogu me Serbinë nuk mund të lejohet të drejtohet nga një person i delegjitimuar si Presidenti Hashim Thaçi, i cili e ka shfrytëzuar dialogun për interesa personale në dëm të Kosovës./Gazeta Fokusth

Postimi i Lëvizjes Vetëvendosje:

Kryetari i Lëvizjes VETËVENDOSJE!, Albin Kurti, dhe Sekretari për Marrëdhënie me Jashtë, Boiken Abazi, janë pritur sot në takim në Ambasadën e Italisë nga Ambasadori Piero Cristoforo Sardi, dhe zyrtarja për media, Arjeta Halitaj. Në këtë takim u diskutua për zhvillimet e fundit politike në Kosovë dhe në Itali si dhe për politikat e BE-së për Kosovën dhe rajonin.

Ndër të tjera, Kryetari Kurti shprehu gjithashtu edhe qëndrimet e Lëvizjes VETËVENDOSJE! në lidhje me procesin e dialogut duke theksuar nevojën për një raport dhe vlerësim mbi 33 marrëveshjet e arritura deri më sot me Serbinë, pasi, siç tha ai, “Nuk mund të ketë demokraci pa llogaridhënie, dhe nuk mund të ketë llogaridhënie pa raporte”. Ai më tej shpjegoi nevojën për një platformë me parime dhe objektiva të qarta për Kosovën, platformë e cila do mund të nxirrej përmes zhvillimit të një dialogu të brendshëm me aktorët e ndryshëm socialë, ekonomikë dhe politikë në Kosovë. Për më shumë, u theksua fakti që dialogu me Serbinë nuk mund të lejohet të drejtohet nga një person i delegjitimuar si Presidenti Hashim Thaçi, i cili e ka shfrytëzuar dialogun për interesa personale në dëm të Kosovës.

Përfaqësuesit e Lëvizjes VETËVENDOSJE! sqaruan se si zgjedhjet janë zgjidhja që do të mundësonte tejkalimin e krizës institucionale të krijuar në Kosovë dhe krijimin e mundësive të reja për zhvillimin e vendit.

Të tjera