Lajme

Mijëra qytetarë pastrojnë Mitrovicën

Autori: Gazeta inFokus 17:18 | 16 September 2018

Rreth 4 mijë qytetarë i janë përgjigjur ftesës për ta pastruar Kosovën, në Mitrovicë.

Nxënës, studentë, pjesëtarë të FSK-së, pjesëtarë të shoqërisë civile e besimtarë të komuniteteve fetare ishin pjesë e këtij aksioni.

Kyretari i komunës, Agim Bahtiri theksoi se është oligim i të gjithëve që ta mbajnë qytetin e pastër.

“Është obligim i të gjithë qytetarëve dhe institucioneve që qytetin ta pastrojnë dhe ta mirëmbajnë siç duhet, pasi pastërtia do të thotë shëndet më të mirë për fëmijët tanë dhe për të gjithë ne. Mitrovica me hapësirat e gjelbëruara dhe të pastruara do të bëhet akoma më atraktiv për vizitorë e turistë, interesimi i të cilëve është në rritje të vazhdueshme”, theksoi ai.

Në Mitrovicë, ndryshe prej komunave të tjera, ky aksion u zhvillua të dielën.

Ushtruesi i detyrës së Ministrit të MMPH, Fatmir Matoshi, u shpreh të jetë i entuziazmuar me numrin e pjesëmarrësve në aksionin për pastrimin e Mitrovicës, andaj edhe shprehu kënaqësinë e tij që gjendet në Mitrovicë.

Ndërsa, kryeimami i Bashkësisë Islame (BI), Mulla Rexhep Lushta, i cili kishte dalë për të pastruar qytetin, tha se BI e mbështet fuqishëm aksionin për tu krijuar qytetarëve një ambient të pastër, ashti sikur që udhëzon edhe feja

Nga hapësira para ndërtesës komunale, pjesëmarrësit në aksion u nisën për në shtatë zonat e planifikuara për pastrim e që ishin qendra e qytetit, Lagja Bair-kazerma e ushtrisë, Lagja e romëve, Parku Solana-Broboniq, Parku Solana-Prishtinë, Lisicë-Smrekonicë dhe Mitrovicë-Shalë e Bajgorës.

Në aksion morën pjesë edhe të gjitha kompanitë që veprojnë në komunën e Mitrovicës me rreth 20 automjete të ndryshme për pastrim.

Komandanti i stacionit policor jug, Ahmet Gjosha, që vazhdimisht i përcolli aktivitete që po zhvilloheshin të gjitha mjediset, deklaroi se çdo gjë ka shkuar në rregull dhe se qytetarët gjatë punës së madhe që kanë bërë nuk kanë shkaktuar asnjë telashe.

Të tjera