Shëndetësi

Pse duhanpirësit dobësohen

Autori: Gazeta inFokus 09:32 | 13 February 2018

Nëse jeni duhanpirës dhe keni vërejtur humbje të peshës, mos mendoni se kjo është pozitive për ju edhe nëse keni pasur kilogramë të tepërt. Humbja e peshës për shkak të pirjes së duhanit është një shenjë e keqe dhe duhet të shmanget me çdo kusht.

Nëse e pini vetëm një ose dy cigare në ditë, kjo mund të çojë në humbje peshe. Nëse përveç kësaj ndiheni të lodhur, kjo është shenjë se trupi po rraskapitet, si dhe që po vjen deri tek përkeqësimi i gjendjes shëndetësore.

Cigaret përmbajnë nikotinë, një përbërës ky kimik i gjetur në duhan, gjë që i bën duhanpirësit të bëhen të varur, transmeton Koha.net. Edhe nëse e pini një cigare në ditë, ajo mund t’ua prishë apetitin. Nikotina është ajo që e zvogëlon apetitin dhe e krijon një shtresë në gjuhë e cila e bën ushqimin të mos ketë shije.

Humbja e apetitit do të thotë që nuk do t’i hani ushqimet e duhura, ndërsa duhanpirësit e varur më me dëshirë do ta pinë një cigare sesa të hanë diçka. Logjikisht, kjo rezulton në humbjen e peshës së trupit pasi që organizmit i mungojnë kaloritë dhe lëndët ushqyese.

Tymi i cigares i ngushton enët e gjakut, dhe kjo ndikon në lukth. Kjo është arsyeja se pse rrallë ndiheni të uritur dhe nuk keni nevojë për ushqim edhe pse duhet të hani, ndërsa rezultati është humbja e peshës.

Ata që përpiqen ta lënë duhanin jo rrallëherë trashen, dhe për këtë ka dy arsye. E para është se përmes ngrënies së ushqimit ata ballafaqohen me lënien e duhanit, ndërsa tjetra sepse kthehen tek shprehitë e ngrënies normale të ushqimit.

Pirja e duhanit nuk është mënyrë e shëndetshme për t’u dobësuar, sepse duhanpirësit e dobësojnë organizmin e tyre, gjë që çon në sëmundje. Humbja e peshës duhet të jetë një proces normal dhe i shëndetshëm, pas të cilit lëkura do të jetë e shtrënguar dhe e shndritshme, ndërsa parametrat e shëndetit do të jenë normal.

Të tjera