Ekonomi

Rukiqi zyrtarizon kandidaturën për kryetar të OEK-ut

Autori: Gazeta inFokus 12:45 | 17 April 2018

Ka 11 vite që punon në Odën Ekonomike të Kosovës, por të martën bëri me dije se po synon edhe pozitën e të parit në OEK.

Ekonomisti Berat Rukiqi ka zyrtarizuar kandidaturën për Kryetar të Odës Ekonomike të Kosovës, shkruan Infokusi.com.

Këtë e ka bërë të ditur vet Rukiqi, përmes një postimi në llogarinë e tij në rrjetin social Facebook.

“Sot ne Kuvendin Zgjedhor te Njesise Rajonale te Prishtines, qe perfaqeson mbi 40% te anetareve aktiv te Odes Ekonomike te Kosoves, morra besimin per perfaqesimin e rajonit te Prishtines ne Kuvendin e OEK-ut, qe nenkupton edhe zyrtarizimin e kandidatures time per Kryetar te Odes Ekonomike te Kosoves”, ka shkruar Rukiqi.

Rukiqi ka thënë se kandidatura e tij vjen si rezultat i konsultave me bizneset më të rëndësishme në vend dhe me menaxhmentin e OEK-ut dhe ka falënderuar të gjithë për përkrahjen.

Aktualisht, kryetar i OEK-ut është Safet Gërxhaliu./Infokusi.

 

Të tjera