Lajme

Shitësit në rrugë e trotuare nuk po lihen rehat nga inspeksioni në Mitrovicë

Autori: Gazeta inFokus 23:11 | 12 August 2018

Shitësit në rrugë dhe në trotuaret e Mitrovicës, nuk po lihen rehat nga inspeksioni i komunës.

Kjo pasi që Komuna e Mitrovicës, të mbështetur nga Policia, kanë filluar t’i lirojnë këto hapësira, të parapara për shfrytëzim nga ana e qytetarëve.

“Ne jemi në shërbim të qytetarëve pa ndërpre, prandaj sot kemi dalë herët në mëngjes për të mos lejuar shitësit që produktet e tyre t’i ekspozojnë nëpër trotuare dhe hapësira tjera publike për t’i shitur, pasi që në këtë mënyrë po e pengojnë lëvizjen e lirë të qytetarëve”, njofton Komuna, sipas të cilës ky aksion është ndërmarrë edhe me kërkesën e qytetarëve.

Komuna e Mitrovicës ka njoftuar se puna ka shkuar mirë dhe pa probleme.

Inspektorët komunalë njoftuan se shitësit i kanë respektuar urdhëresat e inspektorëve dhe nuk ka pasur nevojë për intervenim të Policisë apo shqiptim të ndëshkimeve mandatore.

Kjo gjë sipas tyre flet për faktin se shitësit  po e kuptojnë seriozitetin e angazhimit të inspektorëve komunalë dhe rëndësinë e lirimit të hapësirave publike për lëvizje të lirë e pa pengesa të qytetarëve.

Të tjera