Lajme

Sylejman Selimi me letër nga burgu

Autori: Gazeta inFokus 18:46 | 16 September 2018

Ish-komandanti i UÇK-së, Sylejman Selimi bashkë me Jahir Demakun përmes një letre nga burgu, janë deklaruar kundër mbajtjes së një proteste të paralajmëruar nga një grup qytetarësh para Pallatit të Drejtësisë, për lirimin e tyre.

Selimi e Demaku kanë theksuar se nuk i shohin protestat si të nevojshme dhe as si mënyrë të duhur për këtë rast dhe për këto rrethana.

Ata kanë shprehur besim se organet e drejtësisë, do të veprojnë drejtë me këtë rast.

“Pas paralajmërimit në media për organizimin e një proteste me datën 19 të tkëtij muaji ora 12 para Pallatit të Drejtësisë falenderojmë të gjithë ata që shprehen mbështetje me të drejtën tonë, e kuptojmë edhe shqetësimin real të tyre dhe gatishmërinë për kontribut në sensibilizim të opinonit.

Ne jemi duke u mbajtur në burgun e Dubravës padrejtësisht pa kurrfar baze ligjore. Kjo tani më është e qartë edhe nga vendimet e gjykatave kompetente të cilat kanë anuluar vendimet e gjykatave paraprake në rastin e njohur në opinon si Drenica 1 dhe 2.

Ne nuk i shohim protestat si të nevojshme dhe as si mënyrë e duhur për këtë rast e në këto rrethana.

Ne presim nga organet e drejtësisë të veprojnë në përputhje me ligjin dhe në respektim të drejtës sonë si qytetar të dinitetshëm të këtij vendi.

Me respekt Sylejman Selimi dhe Jahir Demaku16/09/2018”, thuhet në letrën e Selimit dhe Demakut.

Kjo është letra e plotë e siguruar nga Gazeta Blic

Të tjera