Lajme

Time Kadrijaj: Donika veproj në afekt kur u largua nga AAK

Autori: Gazeta inFokus 18:50 | 14 March 2018

Deputetja e AAK-së, Time Kadriaj kishte reaguar ashpër në kohën kur deputetja Donika Kadaj-Bujupi ishte larguar nga AAK, dhe kishte dalë me deklarata kundër kryeministrit Haradinaj.

Deklaratat e ashpra të Kadrijajt, kundër kërkesës së Donika Kadajt-Bujupi, për dorëheqjen e Kryeministrit, shkuan shumë larg.

Madje në këtë deklaratë ajo i kishte kujtuar se ishte AAK-ja, partia e cila e ka sjellë pikërisht këtu ku është Kadajn-Bujupin.

Ndërkaq sot kur Kadaj-Bujupi është kthyer sërish në AAK, Kadrijaj ka thënë se e mirëpret rikthimin e saj në këtë parti.

Lidhur me rikthimin në AAK, Kadrijaj ka thënë për Infokusin se deputetja Kadaj-Bujupi kishte vepruar në afekt në kohën kur kishte marrë vendimin për të kaluar nga AAK në Vetëvendosje.

“Donika ka veprua në afekt kur ka kaluar nga AAK-ja në Vetëvendosje. Pakënaqësitë e saja me vendimet që ajo kishte marrë besoj që po shihen kur tashmë veç kemi një numër të madh të të pakënaqurve në Vetëvendosje, një zyrtarisht një pjesë të ndarë nga kjo parti”, ka thënë deputetja Time Kadrija për Infokusin./Infokusi.com

 

Të tjera