Lajme

Vetëvendosje nuk ndryshon qëndrim për demarkacionin

Autori: Gazeta inFokus 18:45 | 14 March 2018

Pas përfundimit të mbledhjes së kryesisë së Kuvendit kanë folur deputetet e Kuvendit nga grupi i Lëvizjes Vetëvendosje.

Deputetja nga Lëvizja Vetëvendosje, Albulena Haxhiu e ka quajtur si të pa ndershme shfrytëzimin e Lëvizjes Vetëvendosje nga 12 deputetët për të marrë mandatin dhe për tu larguar.

Ajo ka thënë se nëse ka mbetur një pikë moral tek këta deputet, ata do të duheshin të dorëzonin mandatet të tyre.

Megjithatë ajo ka thënë se Vetëvendosje do të vazhdojë në qëndrimet e saja, dhe të veproj përbrenda kornizave të saja.

“Përkundër që kanë qarkulluar fjalë  se do të ketë ndryshim të qëndrimeve të Vetëvendosjes lidhur me Demarkacionin, ju bëjë me dije se do të vazhdojnë të jenë të njëjta. Dhe jo vetëm lidhur me demarkacionin por me çdo qëndrim tjetër të VV-së”, ka thënë Haxhiu./Infokusi.com

Të tjera