Lajme

Xhavit Haliti i thotë Adriatik Kelmendit: Edhe ti i ke 2 a 3 milionë euro

Autori: Gazeta inFokus 22:08 | 24 May 2018

Nënkryetari i PDK-së, Xhavit Haliti me këmbëngulje ka refuzuar të bëjë të ditur shumën e mjeteve financiare që i ka marrë nga Qeveria e Kosovës në udhëheqjen e Bujar Bukoshit, në emër të UÇK-së.

Ai ka thënë se ato janë të dhëna sekrete për të cilat nuk do të flasë kurrë.

“Po unë i kam marrë, por nuk do të flasë kurrë për shumën”, tha Haliti në emisionin Rubikon të KTV-së, derisa shtoi se “për dy tre milionë marka nuk duhet të flitet”, duke thënë se aq para i ka edhe vet drejtuesi i këtij emisioni Adriatik Kelmendi. “Edhe ju i keni dy tre milionë euro”, u shpreh Haliti.

Pas kësaj akuze, reagoi moderatori Kelmendi, duke mohuar një gjë të tillë, pavarësisht kësaj Haliti nuk lëvizi nga deklarimi i tij.

“Po po, i keni, keni kapital”, shtoi nënkryetari i PDK-së.Tutje, i pyetur për arsyen për të cilën po mbahet sekrete mjetet financare të cilat janë marrë në kohë lufte, Haliti ka thënë se janë të dhëna sekrete, që nuk duhet tregohen, deri sa ka shtuar më tepër nga kjo ngjarje do të kuptohet pas 4 muajve, pa dhënë më shumë detaje.Ndryshe, kjo është hera e parë që ky nënkryetar i PDK-së ka pranuar të flasë për të kaluarën e tij gjatë luftës.

Të tjera