Lajme

Xhelal Sveçla e quan përrallë librin biografik të Presidentit

23:05 | 13 March 2018 Autori: Infokusi

Presidenti i vendit Hashim Thaçi një ditë më parë udhëtoi për në Britani të Madhe, për ta përurua librin e tij. Megjithatë ky libër nuk u prit edhe aq mirë, dhe pati edhe kritika.

Deputeti i Lëvizës Vetëvendosje, Xhelal Sveçla përmes një postimi ka treguar se libri biografik i Presidentit Thaçi, është veç se një përrallë.

Tregimin e kishte krijuar në atë formë, sa që krijonte përshtypjen sa jeta e Presidentit është një përrallë.

Postimi i plotë i deputetit Sveçla:

Për natën e mirë…

Na ishte njëherë një modern statesman. Luftëtar trim në front të luftës, atdhetar sa s’bëhet më. S’kish parë shekulli të tillë burr. Luftoi e luftoi e normalisht pas luftës nuk pranonte asgjë si shpërblim a mirënjohje se konsideronte që ia përulte angazhimin e tij për të mirën e atdheut. I shkoi jeta në një shtëpi të vogël e rrogë modeste. Përditë pa ndalur ia përsëriste vetes betimin që dha si ushtar lirie – Deri në bashkimin e trojeve shqiptare. Nga dhimbja që nuk arriti në kohë të ndihmonte komandantin legjendar, çdo muaj e para çdo ngjarje të madhe shkonte te plaku me plis të bardhë për t’u siguruar që vendi ishte duke u bërë ashtu si dëshmorët kishin synuar. E donin shumë familjet që kishin dhënë shumë për Kosovën. Arsimi e shëndetësia lulëzuan e ekonomia shpërtheu nga zhvillimi. Mirëqenia ishte ajo që karakterizoi shtetin e ri shqiptar, që vinte në vend drejtësinë për vuajtjen e gjatë të shqiptarëve… – i lexonte babai të bijës përrallën që ajo solli nga kopshti.

Por babi, pse kishte nofkën Gjarpër? – pyeti e bija.

Se bija ime, po të mos ishte Gjarpër nuk do të kishte mashtruar edhe të ardhmen me libra lavdesh për vete që pagoi me para të popullit./Infokusi.com

Të tjera