Lajme

Zbulohet anija me thesar në vlerë 17 miliardë dollarë

Autori: Gazeta inFokus 19:45 | 22 May 2018

Anija spanjolle San Hose, e fundosur në Detin e Karaibeve jo shumë larg bregdetit të Kolumbisë para më shumë se 300 vjetësh, është gjetur me ndihmën e një mjeti autonom nënujor, njoftoi sot Instituti i oqeanografisë WHOI.

Zëvendës presidenti i këtij instituti Rob Munier tha se lajmi ishte mbajtur sekret për tri vjet që nga gjetja, ‘në shenjë respekti’ ndaj Qeverisë së Kolumbisë.

Lokacioni i saktë i anijes konsiderohej për një kohë të gjatë si njëri nga misteret më të mëdha detare, transmeton KosovaPress.

San Hose gjatë betejës me anijet britanike më 8 qershor 1708 u fundos së bashku me 600 udhëtarë dhe anëtarë ekuipazhi.

Anija kishte me vete edhe ari, argjend dhe smaragd në vlerë 17 miliardë dollarë dhe është çështje e kontestit juridik ndërmjet disa kombeve dhe kompanive private.

Para disa javësh, UNESCO i bëri thirrje Kolumbisë që të mos eksploatojë mbetjet e anijes, lokacioni i saktë i së cilës është sekret shtetëror. Thesari i paprekur për momentin ndodhet në fund të detit, transmeton AP.

Të tjera